shadab/ Farhan

Na kisi kee
aankh ka noor hoon
Na kisi k dil ka qarar hoon
Jo kisi k kaam na aa sakay
May wo aik musht-e-ghubar hoon

Mera rung roop bigar gaya
Mera yaar mujh say bichar gaya
Jo chaman khizaan may ujar gaya
May ussi kee fasl-e-bahar hoon

Na kisi kee aankh ka noor hoon
Na kisi k dil ka qarar hoon

May kahan rahoon, may kahan basoon
Na ye mujh say khush, na wo mujh say khush
May zameen kee peeth ka bojh hoon
May falaq k dil ka ghubar hoon

Na kisi kee aankh ka noor hoon
Na kisi k dil ka qarar hoon

May nahee hoon naghma-e-janfiza
Mujhay sun k koi karey ga kia
May baray burog ki hoon sada
May baray dukhon kee pukaar hoon

Na kisi kee aankh ka noor hoon
Na kisi k dil ka qarar hoon

Pai fatiha, koi aayey kyun
Koi chaar phool charhaye kyun
Koi aa k shamma jalaye kyun
May wo bay-kasee ka mazar hoon

Na kisi kee aankh ka noor hoon
Na kisi k dil ka qarar hoon
Jo kisi k kaam na aa sakay
May wo aik musht-e-ghubar hoon